ബാരാമുള്ള: കാശ്മിരിലെ ബാരാമുള്ള ജില്ലയിൽ നിന്നുള്ള 20,000-ത്തിലധികം യുവാക്കളും യുവതികളും ചേർന്ന് ഇരട്ട ലോക റിക്കാർഡ് സൃഷ്ടിച്ചു.”കഷൂർ റിവാജ് 2025″ സാംസ്കാരികോത്സവത്തിൽ ഭാരതിയ കരസേനയുടെ നേതൃത്വത്തിൽ ഏറ്റവും വലിയ ലാഡിഷ പ്രകടനവും ബാരാമുള്ള ജില്ലാ ഭരണകൂടം ഏറ്റവും കൂടുതൽ ആളുകളെ അണിനിരത്തി കാലിഗ്രാഫി ചെയ്തുമാണ് റിക്കാർഡ് നേടിയത്.കരസേനയുടെ ചിനാർ കോർപ്സിന്റെ ഡാഗർ ഡിവിഷൻ ആണ് ഈ മെഗാ ഇവന്റ് സംഘടിപ്പിച്ചത്.
ബാരാമുള്ളയിലെ 18350 യുവാക്കൾ പങ്കെടുത്ത ഏറ്റവും വലിയ ലാഡിഷ ആലാപന പ്രകടനവും ഒരേസമയം കശ്മീരി കാലിഗ്രാഫി രചനയും ആയിരുന്നു പ്രത്യേകത. അങ്ങനെ രണ്ട് ലോക റെക്കോർഡുകൾ സ്ഥാപിക്കപ്പെട്ടു.“ഏകദേശം ഒരു മാസമായി ഞങ്ങൾ പരിശീലനം നടത്തുന്നു. ഇപ്പോൾ എല്ലാ പരിശ്രമവും മൂല്യവത്തായി ഞങ്ങൾക്ക് തോന്നുന്നു. ഇതൊരു മികച്ച നേട്ടമാണ്, ലോക റെക്കോർഡിന്റെ ഭാഗമാകാൻ കഴിഞ്ഞതിൽ ഞങ്ങൾക്ക് അഭിമാനമുണ്ട്,” യുവ പങ്കാളികളിൽ ഒരാളായ സുബൈർ മിർ പറഞ്ഞു. പ്രൊഫസർ ഷൗക്കത്ത് അലി ഇൻഡോർ സ്റ്റേഡിയത്തിലെ പ്രധാന വേദിക്ക് പുറമേ, ജില്ലയിലെ 152 സ്ഥലങ്ങളിലും ഒരേസമയം പരിപാടി നടന്നു. ഇവ പ്രേക്ഷകരിലേക്ക് തത്സമയം സംപ്രേഷണം ചെയ്തു.
ജമ്മു കശ്മീറിൻ്റെ ലെഫ്റ്റനന്റ് ഗവർണർ മനോജ് സിൻഹ മുഖ്യാതിഥിയായിരുന്നു. ചടങ്ങിൽ സംസാരിച്ച ലഫ്റ്റനന്റ് ഗവർണർ ബാരാമുള്ളയിലെ യുവാക്കളെ ഈ ചരിത്ര നേട്ടത്തിന് അഭിനന്ദിച്ചു. അദ്ദേഹം പറഞ്ഞു, “ഇന്ത്യൻ സൈന്യം കശ്മീരിലെ ജനങ്ങളുമായി അടുത്ത ബന്ധം പുലർത്തുകയും അവരുടെ പൈതൃകത്തിന്റെയും പാരമ്പര്യങ്ങളുടെയും സംരക്ഷണത്തെ സജീവമായി പിന്തുണയ്ക്കുകയും ചെയ്യുന്നു. സൈന്യവും ജില്ലാ ഭരണകൂടവും സമൂഹത്തോടൊപ്പം പ്രവർത്തിച്ചു, ശാക്തീകരണം, വിദ്യാഭ്യാസം, വൈദഗ്ദ്ധ്യം, അടിസ്ഥാന സൗകര്യ വികസനം, സാംസ്കാരിക ആചാരങ്ങളുടെയും മൂല്യങ്ങളുടെയും തുടർച്ച എന്നിവയ്ക്ക് സംഭാവന നൽകി, പ്രദേശത്തിന്റെ സാംസ്കാരിക പൈതൃകത്തോടുള്ള പ്രതിബദ്ധത പ്രകടിപ്പിക്കുകയും രാജ്യത്തിന്റെ അതിർത്തികൾ സംരക്ഷിക്കുകയും സമാധാനം നിലനിർത്തുകയും ഉൾപ്രദേശങ്ങളിൽ വികസനം പ്രോത്സാഹിപ്പിക്കുകയും ചെയ്തു. “ഡെപ്യൂട്ടി കമ്മീഷണർ മിംഗ ഷെർപ്പയുടെ നേതൃത്വത്തിലുള്ള ജില്ലാ ഭരണകൂടം പരിപാടിയുടെ സുഗമമായ നടത്തിപ്പ് ഉറപ്പാക്കി.യൂണിവേഴ്സൽ റെക്കോർഡ്സ് ഫോറമാണ് ഈ റെക്കോർഡ് ഭേദിച്ച പരിപാടിയെ വിലയിരുത്തിയത്.
സാമൂഹികവും രാഷ്ട്രീയവുമായ വിഷയങ്ങളെ അവതരിപ്പിക്കുന്ന തിനായി നർമ്മവും ആക്ഷേപഹാസ്യവും സംയോജിപ്പിക്കുന്ന സംഗീത കഥപറച്ചിലിന്റെ ഒരു രൂപമായ ലാഡിഷ, കശ്മീരിലെ ആദ്യ വനിതാ ലാഡിഷയായ സയ്യിദ് അരീജ് സഫ്‌വിയെപ്പോലുള്ള സോഷ്യൽ മീഡിയ കലാകാരന്മാർ പുനരുജ്ജീവിപ്പിച്ചു,ജമ്മുകാശ്മീർ ലെഫ് ഗവർണർ മനോജ് സിൻഹക്ക് യു.ആർ.എഫ് വൈസ് പ്രസിഡൻ്റ് ഗിന്നസ് സൗദീപ് ചാറ്റർജി സർട്ടിഫിക്കറ്റ് കൈമാറി അവ അദ്ദേഹം ഡപ്യുട്ടി കമ്മിഷണർ മിംഗാ ഷെർപ്പ , മേജർ ജനറൽ പരംവീർ സിംഗ് പുനിയ എന്നിവർക്ക് സമ്മാനിച്ചു. ഇന്ത്യൻ സൈന്യത്തിനായി സമർപ്പിച്ച യു. ആർ.എഫ്2025 റിക്കാർഡ് ബുക്ക് യഥാക്രമം ലഫ്. ഗവർണ്ണർ മനോജ് സിൻഹ, ജി.ഒ. സി മേജർ ജനറൽ പരംവീർ സിംഗ് പുനിയ എസ്എം , വി എസ് എം , ഡിവിഷണൽ കമ്മീഷണർ വിജയ് കുമാർ ബിധുരി എന്നിവർക്ക് ഗിന്നസ് സൗദീപ് ചാറ്റർജി, ഗിന്നസ് സുനിൽ ജോസഫ്, റിയ ലാഹിരി എന്നിവർ കൈമാറി. ഇതോടൊപ്പം കരസേനയുടെ ഡാഗർ ബ്രിഗേഡിൻ്റെ മെഡൽ ലെഫ് ഗവർണ്ണറിൽ നിന്ന് യു. ആർ. എഫ് പ്രതിനിധികൾ ഏറ്റുവാങ്ങി. എസ്.എസ്.പി. ഗുരിന്ദർ പാൽ സിംഗ് ഐ.പി.എസ്, ബ്രിഗേഡിയർ രജത് മോഹൻ ഭട്ട്,കേണൽ ഗുർബേജ് സിംഗ്, കേണൽ ആകാശ് മേനോൻ ,കേണൽ എസ്.കെ. റാണ , കേണൽ രാജിവ് ശർമ്മ, ലെഫ്. കേണൽ അങ്കിത് ശർമ, മേജർമാരായ വികൽപ്പ് നാഗ്പാൽ, അഭിമന്യു ഠാക്കൂർ, സാഗർ, ജില്ലാ ഭരണകൂട ഉദ്യോഗസ്ഥർ, സ്കൂൾ പ്രിൻസിപ്പൽ മാർ , കലാ സാംസ്കാരിക നായകർ എന്നിവർ സന്നിഹിതരായിരുന്നു