വള്ളിക്കാവ്: അമൃത സ്കൂൾ ഓഫ് ആയുർവേദയിൽ ജൂലൈ 25 മുതൽ 27 വരെ ലയം 2025, ആർട്സ് ഫെസ്റ്റിവൽ നടന്നു. ജൂലൈ 25ന് രാവിലെ 10 മണിക്ക് അമൃതേശ്വരി ഹാളിൽ നടന്ന ഉദ്ഘാടന ചടങ്ങിൽ സ്വാമി ശങ്കരാമൃതാനന്ദപുരി (ഡീൻ,അമൃത സ്കൂൾ ഓഫ് ആയുർവേദ), പ്രശസ്ത തോൽപ്പാവക്കൂത്ത് കുലപതി പത്മശ്രീ . കെ. കെ. രാമചന്ദ്ര പുലവാർ, പ്രിൻസിപ്പൽ ഇൻ ചാർജ് ഡോ. വിമല. കെ.എസ്, സ്റ്റാഫ് കോഡിനേറ്റർ ഡോ. പ്രീതി മോഹൻ,സ്റ്റുഡൻറ് കോഡിനേറ്റർമാരായ ഡോ.രേവതി. ആർ. കെ, ഡോ. അഞ്ജലി രാജ് എന്നിവർ സംസാരിച്ചു. തുടർന്ന് പത്മശ്രീ കെ.കെ രാമചന്ദ്ര പുലവാർ തോൽപ്പാവക്കൂത്ത് അവതരിപ്പിക്കുകയുണ്ടായി. മൂന്ന് ദിവസം നടന്ന വിവിധയിനം കലാ മത്സരങ്ങളിൽ കുട്ടികൾ പങ്കെടുക്കുകയുണ്ടായി.ജൂലൈ 27 ന് ഉച്ചയ്ക്ക് രണ്ടുമണിക്ക് നടന്ന സമാപന ചടങ്ങിൽ ശ്രീ. മാർഗീ മധു (പ്രശസ്ത കൂടിയാട്ടം കലാകാരൻ) ശ്രീമതി.അഖില ആനന്ദ് (ചലച്ചിത്ര പിന്നണി ഗായിക) എന്നിവർ മുഖ്യാതിഥികളായി എത്തി.പ്രസ്തുത ചടങ്ങിൽ ഡോ. പി.രാം മനോഹർ(റിസർച്ച് ഡയറക്ടർ, അമ്യത സ്കൂൾ ഓഫ് ആയുർവേദ) ആശംസകൾ അർപ്പിച്ചു. സ്റ്റുഡൻറ് കോഡിനേറ്റർമാരായ ഡോ.അഞ്ജലി.പി.എസ് ഡോ. അഞ്ജലി രാജ് എന്നിവർ സംസാരിച്ചു