നാളെ ഉച്ചയോടെ തിരുവാഭരണ മാളികയ്ക്കു മുന്നിൽ കെട്ടുനിറച്ച് കൊട്ടാരം നിർവാഹകസംഘം ഭാരവാഹികൾക്കും രക്ഷിതാക്കൾക്കുമൊപ്പം ഇവർ ശബരിമലയിലേക്ക് തിരിക്കും.പന്തളം കൊട്ടാരം വലിയതമ്പുരാൻ തിരുവോണംനാൾ രാമവർമ്മ രാജയും കൊട്ടാരം നിർവാഹകസംഘം ഭാരവാഹികളും ചേർന്നാണ് കുട്ടികളെ തിരഞ്ഞെടുത്തത്.
18ന് രാവിലെയാണ് സന്നിധാനത്ത് നറുക്കെടുപ്പ്,. ശബരിമല മേൽശാന്തിയെ ദേവനന്ദനും മാളികപ്പുറം മേൽശാന്തിയെ അനശ്വരയും നറുക്കെടുക്കും. പന്തളം നാലുകെട്ട് കൊട്ടാരത്തിൽ വി. അർജുന്റെയും കോട്ടയം കാരാപ്പുഴ ഇളയകോവിലകത്ത് ശർമ്മദ ആർ. വർമ്മയുടെയും മകനാണ് ദേവനന്ദൻ. തൃപ്പൂണിത്തുറ എസ്.എൻ.വി.പി. സ്‌കൂളിലെ രണ്ടാം ക്ലാസ് വിദ്യാർത്ഥിയാണ്. തൃപ്പൂണിത്തുറ ലക്ഷ്മിവിലാസം പാലസ് നമ്പർ 46ൽ രഞ്ജിത്ത് രാജന്റെയും പന്തളം സ്രാമ്പിക്കൽ കൊട്ടാരത്തിൽ മുൻ രാജപ്രതിനിധി പരേതനായ ആർ. കേരളവർമ്മ രാജയുടെ മകൾ മൈഥിലിരാജയുടെയും മകളാണ് അനശ്വര എം. രഞ്ജിത്ത്. ഭവൻസ് വിദ്യാമന്ദിറിൽ നാലാം ക്ലാസ് വിദ്യാർത്ഥിയാണ്.