വീട്ടിൽ നിന്നും വോട്ട് ചെയ്യാം​ഹോം വോട്ടിംഗ് സൗകര്യം – പോസ്റ്റൽ ബാലറ്റ് ആർക്കെല്ലാം ഈ ആനുകൂല്യം ലഭിക്കും?

വീട്ടിൽ നിന്നും വോട്ട് ചെയ്യാം ഹോം വോട്ടിംഗ് സൗകര്യം – പോസ്റ്റൽ ബാലറ്റ് (ഫോം 12D) സോഷ്യൽ ജസ്റ്റിസ് ഡിപ്പാർട്ട്മെന്റും കേരള സർക്കാരും സംയുക്തമായി നടപ്പിലാക്കുന്ന ഈ പദ്ധതിയിലൂടെ അർഹരായവർക്ക് വീട്ടിലിരുന്നുതന്നെ വോട്ട് രേഖപ്പെടുത്താം. ആർക്കെല്ലാം ഈ ആനുകൂല്യം ലഭിക്കും? 85 വയസ്സിനു മുകളിൽ പ്രായമുള്ള മുതിർന്ന പൗരന്മാർ (AVSC). ഭിന്നശേഷിക്കാരായ വോട്ടർമാർ (AVPD). വോട്ടർമാർക്കുള്ള നിർദ്ദേശങ്ങൾ ഫോം 12D പൂരിപ്പിക്കുക: പോസ്റ്റൽ ബാലറ്റ് വഴി വീട്ടിലിരുന്ന് വോട്ട് ചെയ്യാൻ താല്പര്യമുള്ളവർ ഫോം 12D പൂരിപ്പിച്ചു നൽകണം. BLO-യുടെ സേവനം: നിങ്ങളുടെ ബൂത്ത് ലെവൽ ഓഫീസർ (BLO) നിങ്ങളുടെ വീട്ടിലെത്തി ഈ ഫോം നൽകുന്നതാണ്. ഫോം തിരികെ നൽകുക: പൂരിപ്പിച്ച ഫോം ആർക്കാണോ നൽകേണ്ടത് (BLO), അവർക്ക് തന്നെ കൃത്യമായി തിരികെ നൽകുക.സമയപരിധി: തിരഞ്ഞെടുപ്പ് വിജ്ഞാപനം വന്ന് 5 ദിവസത്തിനുള്ളിൽ തന്നെ ഈ ഫോം സമർപ്പിക്കേണ്ടതാണ്. നിങ്ങളുടെ ഇഷ്ടം: പോസ്റ്റൽ ബാലറ്റ് ഒരു അധിക സൗകര്യമാണ്. നിങ്ങൾക്ക് താല്പര്യമുണ്ടെങ്കിൽ നേരിട്ട് പോളിംഗ് സ്റ്റേഷനിൽ പോയും വോട്ട് ചെയ്യാവുന്നതാണ്. “നിങ്ങളുടെ വോട്ട് – ജനാധിപത്യത്തിന്റെ ശക്തി”