തിരുവനന്തപുരം: വെങ്ങാനൂരിൽ കാറിന് തീപിടിച്ച് ഒരാൾ മരിച്ചു. മരിച്ചയാളെ തിരിച്ചറിഞ്ഞിട്ടില്ല. ഇന്ന് പുലർച്ചെയാണ് കാറിനുള്ളിൽ തീപിടിച്ച് ഒരാളെ മരിച്ച നിലയിൽ കണ്ടെത്തിയത്. സ്ഥലത്തെത്തിയ ഫയർ ഫോഴ്‌സ് തീയണച്ചു.
കാറിന് തീപിടിച്ചപ്പോൾ പുറത്തേക്ക് ഇറങ്ങാൻ ശ്രമിക്കുന്നതിനിടെ വാഹനം പിന്നിലേക്ക് ഉരുണ്ട് നീങ്ങിയതാകാമെന്നാണ് പ്രാഥമിക നിഗമനം. ഇതിനിടെ സീറ്റ് ബെൽറ്റ് കുടുങ്ങിപ്പോയതാകാമെന്നും സംശയമുണ്ട്. സംഭവത്തിന്റെ കൃത്യമായ കാരണം സംബന്ധിച്ച് കൂടുതൽ പരിശോധനകൾ നടക്കുകയാണ്.