അദ്ധ്യാപകനും ചിത്രകാരനും, തിരക്കഥാകൃത്തും, ചലച്ചിത്ര സംവിധായകനുമായ ആർ സുകുമാരനെ കുറിച്ചുള്ള ഡോക്യൂമെൻട്രിയുടെ ചിത്രീകരണം ആരംഭിച്ചു. അദ്ദേഹത്തിൻ്റെ കലാജീവിതത്തിൻ്റെ നാൾവഴിയിലൂടെ യാത്ര നടത്തുകയാണ് പ്രസ്തുത ഡോക്യൂമെൻട്രിയിലൂടെ. കുട്ടിക്കാലം പഠന കാലം, അദ്ധ്യാപക ജീവിതം, പെയിൻ്റിംഗ്, ചലച്ചിത്ര മേഖലയിൽ അദ്ദേഹം നൽകിയ സംഭാവനകൾ, അനുഭവങ്ങൾ എന്നിവ കോർത്തിണക്കിയാണ് ഈ ഡോക്യൂമെൻട്രിയുടെ ചിത്രീകരണം പൂർത്തികരിക്കുന്നത്. പാദമുദ്ര രാജശില്പ്പി,യുഗപുരുഷൻ എന്നിങ്ങനെ അദ്ദേഹം സംവിധാനം ചെയ്ത ചിത്രങ്ങളുടെ വിശേഷങ്ങളും, വിശകലനങ്ങും ഉൾപ്പെടുത്തിയിരിക്കുന്നു. കൂടാതെ ചലച്ചിത്ര രംഗത്തെ സഹപ്രവർത്തകരും , സാംസ്കാരിക നായകന്മാരും ആർ സുകുമാരൻ എന്ന ചലച്ചിത്ര സംവിധായകനെ വിലയിരുത്തുന്നു. ജാനകീ ഫിലിംസ് നിർമ്മിച്ച് മഹേഷ് ശിവാനന്ദൻ ഛായഗ്രഹണവും സംവിധാനവും നിർവ്വഹിക്കുന്ന രാജശില്പിയുടെ പാദമുദ്രകൾ എന്ന ഡോക്യൂമെൻട്രിയുടെ രചന ചലച്ചിത്ര മാധ്യമ പ്രവർത്തകനായ രമേഷ് ബിജു ചാക്കയുടെതാണ്. എഡിറ്റിംഗ് അനീഷ് ഭാസ്കർ.



