Fri Nov 20, 2026 3:59 pm
FLASH
ലഹരിക്കെതിരെ കുട്ടികളെ അണിനിരത്തി എക്സ്പ്രസ്സ് വാർത്ത      |      ന്യൂജൻ എഴുത്തും വായനയും      |      ബിജെപിയിൽ നിന്ന് പത്മിനി തോമസ് രാജിവെച്ചു; രാജിക്കത്ത് രാജീവ് ചന്ദ്രശേഖരന് കൈമാറി      |      ഇറാനെതിരായ ആക്രമണ തീരുമാനം പുതുവർഷത്തിന് ശേഷം; നിലപാട് വ്യക്തമാക്കി ട്രംപ്      |      ചക്കുളത്തുകാവിൽ നിലവറദീപം തെളിഞ്ഞു : ഇനി വൃത ശുദ്ധിയുടെ നാളുകൾ      |      ഇ20 പെട്രോൾ: ഉപഭോക്താവിന്റെ ആശങ്കയ്ക്ക് മറുപടി പറയണം      |      ഭക്തിയുടെ പുണ്യകാലം പരാതികളില്ലാത്ത തീർത്ഥാടനകാലമാകണം      |      ലഹരിക്കെതിരെ കുട്ടികളുടെ മനസ്സിൽ പ്രതിരോധത്തിന്റെ കരുത്ത്; ഓപ്പറേഷൻ തൂഫാന്റെ ഭാഗമായി എക്സ്പ്രസ്സ് വാർത്തയും      |      മാനവീയം വീഥിയുമായി ബന്ധപ്പെട്ട് ഉയരുന്ന വിവാദങ്ങളിൽ വിശദീകരണവുമായി മേയർ അഡ്വക്കറ്റ് വി വി രാജേഷ് .      |      റേഷൻ വാങ്ങാൻ ഇനി റേഷൻ ഷോപ്പിൽ പോയി ക്യൂ നിൽക്കേണ്ട;24 മണിക്കൂറും ഭക്ഷ്യധാന്യം ലഭ്യമാക്കാൻ ഇനി എടിഎം,റേഷൻ കാർഡ് ഇല്ലെങ്കിൽ ആധാർ കാർഡും മതി,എല്ലാം അഞ്ച് മിനിറ്റിനുള്ളിൽ      |      
X

ഇറാനെതിരായ ആക്രമണ തീരുമാനം പുതുവർഷത്തിന് ശേഷം; നിലപാട് വ്യക്തമാക്കി ട്രംപ്

HOME / Flash / GLOBAL / Latest News November 20, 2026

വാഷിങ്ടൺ: ഇറാനെതിരെ വീണ്ടും ശക്തമായ സൈനികാക്രമണം നടത്തുന്നതുമായി ബന്ധപ്പെട്ട തീരുമാനം അടുത്ത വർഷത്തേക്ക് നീട്ടി യുഎസ് പ്രസിഡന്റ് ഡോണൾഡ് ട്രംപ്. ഈ മാസം നടന്ന യുഎസ് ഇടക്കാല തിരഞ്ഞെടുപ്പിന് പിന്നാലെ നിർണായക തീരുമാനമുണ്ടാകുമെന്നായിരുന്നു നേരത്തേ നൽകിയ സൂചന. എന്നാൽ, പുതുവർഷത്തിന് ശേഷമേ ഇക്കാര്യത്തിൽ തീരുമാനമെടുക്കൂവെന്ന് ട്രംപ് വ്യക്തമാക്കി.

ചൈന സന്ദർശനം പൂർത്തിയാക്കി വാഷിങ്ടണിലേക്ക് മടങ്ങുന്നതിനിടെ വിമാനത്തിൽവെച്ച് റോയിട്ടേഴ്‌സിന് നൽകിയ അഭിമുഖത്തിലാണ് ട്രംപ് നിലപാട് വ്യക്തമാക്കിയത്. പുതിയ ആക്രമണങ്ങൾക്ക് സാധ്യതയുണ്ടോ എന്ന ചോദ്യത്തിന്, “പുതുവർഷത്തിന് ശേഷം നമുക്ക് അതിനെക്കുറിച്ച് സംസാരിക്കാം. ഇനിയും സമയമുണ്ട്” എന്നായിരുന്നു മറുപടി. ഫോക്സ് ന്യൂസിനും ആക്സിയോസിനും ഇസ്രയേലിലെ ന്യൂസ് 12-നും നൽകിയ അഭിമുഖങ്ങളിലും സമാന നിലപാടാണ് അദ്ദേഹം സ്വീകരിച്ചത്. ഇറാൻ വിഷയത്തിൽ തീരുമാനമെടുക്കാൻ തിടുക്കമില്ലെന്നും ട്രംപ് പറഞ്ഞു.

കഴിഞ്ഞ ഏതാനും ആഴ്ചകളായി ഇറാനെതിരായ സൈനികനടപടി കടുപ്പിക്കുമെന്ന മുന്നറിയിപ്പും സംഘർഷം ലഘൂകരിക്കാനുള്ള സൂചനകളും ട്രംപ് മാറിമാറി നൽകിയിരുന്നു. എട്ടുമാസമായി തുടരുന്ന സംഘർഷത്തിൽ ഒത്തുതീർപ്പിന് ഇറാൻ തയ്യാറാകുമെന്ന പ്രതീക്ഷയും അദ്ദേഹം നേരത്തേ പങ്കുവച്ചിരുന്നു. അതേസമയം, ഇറാനെതിരായ ഉപരോധങ്ങളും സാമ്പത്തിക നിയന്ത്രണങ്ങളും ഫലം കാണുന്നുണ്ടെന്നാണ് കഴിഞ്ഞയാഴ്ച ട്രംപ് ഭരണകൂടം അവകാശപ്പെട്ടത്.

ഇടക്കാല തിരഞ്ഞെടുപ്പിലെ പരാജയത്തിന് ഇറാൻ വിഷയം ഒരു കാരണമായെന്ന് ട്രംപ് സമ്മതിച്ചു. റിപ്പബ്ലിക്കൻ പാർട്ടിക്ക് കോൺഗ്രസിലും സെനറ്റിലും ഭൂരിപക്ഷം നഷ്ടമായത് ഭരണകൂടത്തിന് തിരിച്ചടിയായിരുന്നു. യുദ്ധമാണ് തിരഞ്ഞെടുപ്പിലെ പരാജയത്തിന് കാരണമെന്ന് വൈസ് പ്രസിഡന്റ് ജെ.ഡി. വാൻസ് പരസ്യമായി വിമർശിച്ചിരുന്നു. ഇതിന് പിന്നാലെ ഇറാനുമായി ബന്ധപ്പെട്ട നയതന്ത്ര ചർച്ചകളിൽനിന്ന് വാൻസിനെ മാറ്റി ആഭ്യന്തര കാര്യങ്ങളിൽ ശ്രദ്ധ കേന്ദ്രീകരിക്കാൻ ട്രംപ് നിർദേശിച്ചു.

വാൻസിന്റെ വിലയിരുത്തൽ ശരിയാണെന്നും ഇറാൻ വിഷയം തിരഞ്ഞെടുപ്പിൽ തിരിച്ചടിയായെന്നും ട്രംപ് റോയിട്ടേഴ്‌സിനോട് സമ്മതിച്ചു. എന്നാൽ, സമാന സാഹചര്യം വീണ്ടും ഉണ്ടായാൽ ഇറാനെ ആക്രമിക്കുമോ എന്ന ചോദ്യത്തിന് ഉറച്ച മറുപടിയാണ് അദ്ദേഹം നൽകിയത്. ഇറാനെ ആണവായുധം നിർമിക്കാൻ അനുവദിക്കാനാകില്ലെന്നും അതിനാൽ ആക്രമണം നടത്തുമെന്നും ട്രംപ് വ്യക്തമാക്കി.

അതേസമയം, റഷ്യൻ, ചൈനീസ് നേതാക്കളുമായി വ്യാഴാഴ്ച നടത്തിയ ഉച്ചകോടിക്ക് പിന്നാലെ പുറത്തിറക്കിയ സംയുക്ത പ്രസ്താവനയിൽ ഇറാൻ സംഘർഷത്തെക്കുറിച്ച് പരാമർശമുണ്ടായില്ല.

Tags: ,