തിരുവനന്തപുരം :കിളിമാനൂരിൽ ഇന്ധന ടാങ്കര് തോട്ടിലേക്ക് മറിഞ്ഞു. കിളിമാനൂരിലെ തട്ടത്തുമലയില് ഇന്നെലെ പുലര്ച്ചെ 2 മണി ഓടെയായിരുന്നു സംഭവം. കോട്ടയത്ത് നിന്നും 16ാം മൈലിലെ ഭാരത് പെട്രോളിയത്തിന്റെ പമ്പിലേക്ക് പോവുകയായിരുന്നു ടാങ്കര് ലോറി. കിളിമാനൂര് തട്ടത്തുമല മണലേത്തു പച്ച വെച്ച് നിയന്ത്രണം വിട്ട് ഇന്ധന ടാങ്കര് ലോറി തോട്ടിലേക്ക് മറിയുകയായിരുന്നു.അപകടത്തെ തുടര്ന്ന് ഡ്രൈവറെയും ക്ലീനറെയും മെഡിക്കല് കോളേജ് ആശുപത്രിയിലേക്ക് മാറ്റി.മഴയില് നിയന്ത്രണം വിട്ട് ലോറി തെന്നിമാറിയതാണെന്നാണ് വിവരം. ടാങ്കറില് നിന്നും ഇന്ധനം തോട്ടിലെ വെള്ളത്തില് കലര്ന്നിട്ടുണ്ട്.വലിയ ക്രെയിൻ എത്തിച്ച് ലോറി ഉയര്ത്താനാണ് നീക്കം. ഫയര്ഫോഴ്സ് ഉള്പ്പെടെ സ്ഥലത്തെത്തിയിട്ടുണ്ട്.അപകടത്തിൽപ്പെട്ട ടാങ്കർ ലോറിയിൽ നിന്ന് ഇന്ധനം മറ്റൊരു ടാങ്കറിലേക്ക് മാറ്റി.വൈകിട്ടോടെ ടാങ്കർ ട്രെയിൻ ഉപയോഗിച്ച് ഉയർത്തി.